Nagmandu si President Ferdinand ”Bongbong” Marcos Jr. sa Department of Trade and Industry (DTI) nga mag-implementar sang price freeze sa basic and prime commodities tubtub sa katapusan sang tuig.
Suno kay Palace Press Officer Undersecretary Atty. Claire Castro, katuyuan sang mandu sang presidente nga mapasiguro nga estable ang presyo sa tunga sang selebrasyon sa holiday season.
Gin-anunsyo ini sang Malacañang samtang nga didto si Marcos sa Malaysia agud magtambong sa 47th Association of Southeast Asian Nations (ASEAN) Summit and Related Summits.
“Alinsunod sa kautusan ni Pangulong Ferdinand Marcos Jr. na hindi magkakaroon ng paggalaw sa mga presyo ng mga bilihin bago ang holiday season, inanunsyo ng DTI na walang price increase sa basic at prime commodities sa bansa hanggang sa matapos ang kasalukuyang taon,” suno kay Castro.
Antes siya nagbiya sa Pilipinas sang Sabado, matandaan nga nagmandu si Marcos sa DTI nga siguruhon nga may istrikto nga pag-monitor kag pag-patuman sang maximum suggested retail prices (MSRP) para sa imported rice kag sa iban pa nga importante kag kinahanglanon nga food items.
Nagmandu man ang punong ehekutibo sa DTI nga padayunon ang koordinasyon sa mga manufacturers agud nga ma-mentenar lang ang lebel sang presyo subong kag malikawan ang mga saka sa presyo.
