Patay ang isa ka job order employee sang banwa sang Pagalungan sa Maguindanao del Sur matapos ginpaulanan sang bala sang wala pa nakilal-an nga mga indibidwal.
Ang biktima amo si Christopher Malingco, residente sang amo nga lugar kag assigned sa Local Civil Registrar Office sang munisipyo.
Suno sa imbestigasyon, sakay sang iya motorsiklo ang biktima kag pauli na sa halin sa ubra sang gintiro ini sang mga lalaki nga sakay man sa motorsiklo.
Padayon pa ang imbestigasyon sang otoridad agud madakpan ang mga responsable sa krimen.
