Nadakpan ang isa ka lalaki nga nangawat sang motorsiklo matapos nga nahulog ini samtang nagaangkas agud ipalagyo ang motor.
Natabo ini sa Brgy. San Jose, Tagaytay City, Cavite.
Suno sa otoridad, kaagahon sang ginkarnap sang suspek nga si Jeffrey, kaupod ang isa pa ka lalaki, ang motorsiklo sang biktima nga si Jervie.
Suno sa biktima, pauli na ini sang ginbanggaan sang mga suspek kag gintayaan sang kutsilyo kag ginkuha ang iya motor.
Gilayon nagpangayo sang bulig ang biktima gani nakaresponde ang otoridad kag ginlagas ang mga suspek.
Samtang ginalagas, nahulog sa motor si Jeffrey kag naaresto.
Nakapalagyo naman ang driver nga kaupod sini dala ang motor sang biktima.
