Wala sang tawo nga naabtanh sa condominium unit ni anay Congressman Zaldy Co sa Bonifacio Global City (BGC), Taguig sang ginserbe sang kapulisan ang warrant of arrest batok sa iya subong nga adlaw, Nobyembre 22.
Ginkadtuan sang mga personell sang Southern Police District kag Taguig Police Station ang amo nga condo sang anay kongresista para iserbe ang warrant apang suno sa caretakers, halos isa na kabulan nga selyado ang amo nga unit.
Wala man sang mga himata nga nag-atubang sang gintuktok sang mga awtoridad ang pwertahan sang condo unit.
Matandaan nga nauna na gin-isyu ang warrant of arrest sa anay kongresista kag sa iban pa nga nakabaton sang ginapahayag nga kickbacks halin sa flood control projects.
