Ginarekomendar sang House Committee on Ethics ang 60-ka-adlaw nga suspensyon ni Cavite 4th District Rep. Kiko Barzaga matapos ginpasakaan sang guilty sa iya disorderly behavior tungod sang iya ginapangbuy-an nga pahayag sa iya social media nga ginakabig wala nagakaigo bilang isa ka public official.
Lakip sa iya 60-ka-adlaw nga suspensyon sa opisina amo nga indi ini makabaton sang benepisyo kaangay sang sweldo kag allowances kag mahimo nga mas mabug-at nga disciplinary action ang igahatag sa iya.
Gilayon naman nga nagpaguwa sang iya sabat si Barzaga sa plenaryo nga ginabaton sini ang bisan ano nga penalidad nga igahatag sa iya.
Sa madumduman nga sa una nga pagsinapol sa reklamo batok kay Barzaga, wala ini nagpakita kag ginapahayag sini nga masako siya sa paghampang sang video games sang gab-i antes sang hearing.
