Arestado ang isa ka barangay chairman kag iya kaupod sa isa ka checkpoint sa Lamitan City, Basilan bangud sa paghupot sa duha ka .45 caliber pistols kag isa ka M16 assault rifles.
Ang nadakpan amo sanday Idris Jama Abdulla, 33-anyos, barangay chairman sang Sangkahan sa Albarka, kag ang 21-anyos nga si Jaid Alasa Amilul nga taga-Lagayas sa Tipo-Tipo, Basilan.
Suno sa otoridad, ginpapundo sang mga pulis sa isa ka checkpoint sa Barangay Malinis, Lamitan City ang Toyota Hilux pick-up truck nga ginasakyan nanday Abdulla at Amilul para sa isa ka routine inspection, apang gilayon sila nga gin-aresto sang makita nga may dala sila nga mga pusil.
Wala sang mapakita nga mga dokumento ang duha.
Nagapangatubang sila sang kaso nga illegal possession of firearms ang duha.
