Nadala-pauli sang Philippine Team ang silver medal sa sporting clay team event, isa ka pioneering sport sa Southeast Asian Games 2025 sa Thailand.
Myembro sang team sanday Leyte 4th District Rep. Richard Gomez, Carlo Baltonado, kag Jed Rivilla.
Nag-upod man sa Thailand si Ormoc City Mayor Lucy Torres-Gomez agud suportahan ang iya bana kag pareho nga mga Ormocanon.
Suno kay Gomez, ini nga sport ang rason kun ngaa nagbalik siya sa SEA Games masobra duha ka dekada matapos ang iya katapusan nga pag-compete.
Sang 1995, gintiglawas sini ang Pilipinas sa fencing sa SEA Games sa Chiang Mai. Nagdaog siya sang silver medal sa 1997 edition sa Jakarta kag isa pa ka medalya sang 2001 edition sa Kuala Lumpur.
Sa sini nga biennial meet sa Thailand, nagapasakop man ang anak sang celebrity couple nga si Juliana nga kabahin sang fencing team.#
Photo: John Kevin Pilapil
