Gin-kwestyon sang Makabayan Bloc ang P1 billion nga pagtaas sang alokasyon para sa mga confidential kag intelligence funds sa bersyon sang Senado para sa ginparoponer sini nga national budget sa tuig 2026.
(SENADO)
Suno pa sa Makabayan Bloc nga ang pondo para sa confidential funds ang nagtaas halin sa P4.37 billion sa 2026 National Expenditure Program (NEP) pakadto sa P5.25 bilyon nga bersyon sang Senado para sa General Appropriations Bill (SGAB).
Samtang, ang intelligence funds nagtaas halin 6.4 billion pesos sa National Expenditure Program (NEP) pakadto sa P6.63 bilyon sa General Appropriations Bill (SGAB).
Ginpahayag sang Makabayan Bloc nga ang bersyon sang ginaproponer nga budget ang gin-aprobahan sang bicameral conference committee.
Nagpaandam naman si Makabayan bloc member at ACT Teachers Party-list Rep. Antonio Tinio nga ang confidential at intelligence funds madali lamang nga abusuhon bangud sa kakulangan sini sang transparent audit.
Ginkasubo naman ini sang oposisyon nga mga tiglikom bangud ang serbsiyo sa social kaangay sa edukasyon kag ikaayong lawa ang wala mapondohan sang maayo, samtang nagtaas naman ang confidential kag intelligence funds.
Nagpangabay ang mga ini kay President Ferdinand Marcos Jr. nga i-veto ang confidential kag intelligence funds kun ipirmahan niya na ini sa 2026 national budget.
Dugang pa sang Makabayan bloc, ang Office of the President ang nakabaton sang pinakadako nga alokasyon para sa confidential kag intelligence funds sa masunod nga tuig nga naglab-ot sang P4.56 bilyon.
