Nagpanawagan si Pope Leo XIV sang kalinong kag mga dayalogo sa mga pungsod sa kalibutan kun sa diin padayon ang gyera kag madamo nga inosente ang nagakalamatay.
Ini ang kaundan sang iya nga Urbi et Orbi address ukon ang “To the City and to the World” nga gintambungan sang masobra 26,000 ka mga tumuluo.
Ini ang tradisyonal nga gina-deliver sang Santo Papa sa adlaw sang Paskwa sa atubang sang mga tumuluo nga nagatipon sa Vatican City.
Ginpangabay sang Santo Papa nga untaton na ang paglinukpanay kag magpangisog nga mag-involve sa sinsero kag matinahuron nga dayalogo.
Lakip sa ginpanglawag sini nga sitwasyon amo ang gyera sa tunga sang Ukraine kag Russia kag ang sitwasyon sa Gaza.
Ginlakip man sini pati ang sitwasyon sa Southeast Asia particular ang Thailand kag ang Cambodia kun sa diin nagbalik naman ang ginamo sa ila borders apisar sang ceasefire sang Hulyo.
Ginpangabay sini sa duha ka pungsod nga ibalik ang ila dumaan na nga pag-abyanay kag magtinguha para sa reconciliation kag kalinong.
Ini ang una nga Urbi et Orbi address ni Pope Leo para sa Christmas halin sang na-eleher siya sang Mayo bilang bag-o nga Santo Papa bilang bulos kay Pope Francis.
Words by: Bombo Jissa Padios
