Napatay gid ang mag-iloy matapos ginhatok-hatok buno sang ila padre de pamilya sa Brgy. Kiraon, Damulog, Bukidnon.
Ang mga biktima amo ang 54-anyos nga iloy kag 34-anyos nga anak nga lalaki samtang ang suspek nagaedad sang 65-anyos.
Ginpahayag nga nagbaisay ang amay kag ang bata bangud sa manok nga ginbulang sang biktima.
Ginsumbag sang anak ang iya amay nga madasig naman nga nagkuha sang kutsilyo kag ginbuno ang biktima sa tiyan.
Nagtambag ang asawa sang suspek apang ginbuno man niya ini sa dughan.
Gindala pa sa ospital ang mag-iloy apang wala na natabangan pa.
Napreso naman ang suspek nga nagapangatubang sang double parricide nga kaso.
