Patay ang isa ka asawa matapos ginkuga sang iya bana nga isa ka gwardiya.
Natabo ini sa Samal, Bataan.
Ang biktima amo si alyas Jenny, 34-anyos samtang ang suspek amo si alyas Jun, 36-anyos.
Ang biktima nasapwan na lang sang iya pamilya nga yara na ini sa sulod sang garbage bag kag gintago sa idalom sang kama sa sulod sang ila balay.
Nakit-an sa liog sini ang senyales nga ginkuga ini gamit ang kable sang kuryente.
Antes nasapwan, tatlo ka ka adlaw na ini nga wala nakita sang iya utod gani nagdesisyon siya nga bisitahon ang biktima kag didto na nadiskubre ang iya bangkay.
Ginaayam na subong sang otoridad ang suspek.
