Nag-request ang legal team ni Former President Rodrigo Duterte sa International Criminal Court (ICC) nga tugutan sila nga magdugang sang 78 ka ebidensya para sa nagahilapit nga hearing sa confirmation of charges sang anay Presidente sa International Criminal Court (ICC).
Sa pagpanguna sang abogado ni Duterte nga si Nicholas Kaufman, nag-request sila sa ICC Pre-Trial Chamber 1, nga naghingyo sang mga dugang nga ebidensya, bilang paghanda sa kaso, ilabi na matapos nga magpahayag ang prosekusyon sang 1,242 ka items sang ebidensya batok kay Duterte.
Ginpunto nila nga ang request nasumiter 15 ka adlaw antes ang hearing, suno sa ICC rules, kag ang pagdugang sang ebidensya indi makadelay sa proseso kag indi makaapekto sa prosekusyon.
Suno man sa ila, ang legal representatives sang mga biktima bag-o pa lang na-appoint, gani ang pagdugang sang ebidensya indi makapektar sa ila mga katungdanan.
Gin-mensyonar sang kampo ni Duterte nga kun indi pagtugutan ang request, mahimo gid ini makapahina sang depensa ni Duterte sa pagpanindugan sang iya kaso.
 nga tugutan sila nga magdugang sang 78 ka ebidensya para sa nagahilapit nga hearing sa confirmation of charges sang anay Presidente sa International Criminal Court (ICC).){kind=link}