Ginbawian sang kabuhi ang isa ka Filipina caregiver sa Israel sa tunga sang nagasaka nga tension sa Middle East.
Ginkumpirma ini ni President Ferdinand Marcos Jr. kag sang embahada sang Pilipinas sa Israel.
Ginkilala ang biktima nga si Mary Anne Velazquez de Vera, 32-anyos, tumandok sang Basista, Pangasinan nga nagatrabaho sa Israel halin sang 2019.
Nakumpirma ang iya identity paagi sa biometric records sa Abu Kabir Forensic Institute. Naga-trabaho man ang bana ni de Vera sa Israel, kag ini mismo ang positibo nga nag-identify sa bangkay sang iya asawa.
Nagpakig-unong naman si Marcos kasunod sang masubo nga balita.
Pahayag sini, ginbuligan sang caregiver ang alaga sini nga makasaylo sa bomb shelter, apang antes pa man sila makapanago, naigo na ini sang shrapnel sang nagtupa nga bomba sa ila apartment sa Tel Aviv.
“Siya po ay isang caregiver sa Israel na tinutulungan ang kanyang alaga para dalhin sa bomb shelter ngunit hindi na po naka-abot sa bomb shelter at inabutan na sila bago sila nakarating,” suno sa presidente. “Siya ay namatay dahil tinamaan ng shrapnel ng mga bumagsak na bomba.”
Nagpasalig naman ang presidente nga ihatag ang tanan nga bulig kag kinahanglanon sang pamilya.
“Lahat po ng tulong na kakailanganin ng kanilang pamilya ay ihahatid ng ating pamahalaan,” dugang sini.
Nagpalab-ot man sang simpatiya si Ambassador Aileen Mendiola sa pamilya kag ginpasalig man ang full assistance halin sa gobyerno.
“Mary Ann, like so many overseas Filipino workers in Israel, exemplified resilience, compassion, and quiet strength. Israel joins the profound sorrow of her family and the Filipino community,” suno pa sa embahada. “We mourn together and honor Mary Ann’s memory with dignity and respect.”#
