Gin-schedule sa Mayo 1 ang koronasyon sang Miss Universe Philippines 2026.
Suno sa MUP organization, patigayunon ang seremonya sa Mall of Asia Arena sa Pasay City.
“The much-awaited Miss Universe Philippines 2026 Coronation is happening this May 1, 2026 at the SM Mall of Asia Arena,” suno sa post sang national pageant organization.
Wala pa sang detalye nga nahatag kaangot sa baligyaanay sang tickets, amo man ang hosts, performers, kag iban pa nga celebrity guests.
Matandaan nga sa amo man nga venue sang nagligad nga tuig sang ginkoronahan si Miss Universe Philippines 2025 Ma. Ahtisa Manalo.
51 delegates halin sa Pilipinas kag sa overseas Filipino communities ang maga-compete agud nga mangin successor ni Ahtisa.
Kaangay sa nagligad nga mga tinuig, madamo sang international pageant veterans nga balantayan subong nga edisyon kaangay kanday Miss Earth Water titleholders Bea Millan-Windorski kag Roxie Baeyens, kag Miss International runner-up Nicole Borromeo.
Maga-compete man sanday Miss Tourism World runner-up Justine Felilzarta, Miss Eco International finalist Ashley Subijano, kagTop Model of the World-Miss Globe recipient Scarlett De Mesa.
Nagbalik man sa national competition ang 2020 runner-up nga si Ysabella Ysmael kag 2020 finalist Apriel Smith.
Ang magadaog sa Mayo 1 amo ang magatiglawas sang Pilipinas sa Miss Universe 2026 competition sa Nobyembre.
