Nag-demand sang estrikto nga kondisyon ang pungsod Iran antes paman may matabo ang peace talks sa tunga nila sang Pakistan.
Kabahin diri ang pagpatuman sang ceasefire sa Lebanon.
Suno sa mga opisyal sang Iran, indi magsugod ang negosasyon kon indi matuman ang sini nga mga kondisyon.
Ini nagadala man sang pagpang-duha-duha sa ginaplano nga pag-estoryahanay sang nasambit nga mga pungsod.
Samtang, wala pa sang opisyal nga sabat ang Estados Unidos parti diri.
Nahibaluan nga nagapadayon naman ang tensyon sa rehiyon bangod sa Israeli airstrikes sa Lebanon kag ang problema sa Strait of Hormuz nga nagapadayon nga nagapekto sa suplay sang enerhiya sa kalibutan.
Ginpahayag man nga apisar may yara sang ginpahayag nga ceasefire, nagapadayon sa gihapon ang kinagamo sa Lebanon, kun sa diin madamo na ang nabiktima sang padayon nga airstrikes.
