Ginbawian sang kabuhi ang anum ka mga katapo sang isa ka pamilya matapos nasunog ang ila balay sa Brgy. Nancayasan, Urdaneta City, Pangasinan sang Abril 20 sang kaagahon.
Sa report sang pulis, lakip sa napatay amo ang duha ka mga bata nga babaye nga lunsay 11-anyos; duha ka babaye nga edad 72 kag 59; kag duha ka lalaki nga edad 45 kag 42.
Ginapahayag nga alas dos sa kaagahon sang nakit-an ang aso halin sa kusina sang balay sang magpamilya. Madasig nga naglapta ang kalayo.
4:45 a.m. sang gindeklarar sang Bureau of Fire Protection (BFP) nga under control na ang kalayo apang wala gid nasapar ang duha ka balay kag gin-ubos gid lamon sang sunog.
Ginabanta sang awtoridad nga lab-ot sa P3-million ang balor sang halit nga ginbilin sang insidente.
Padayon pa ang imbestigasyon sang BFP kun ano ang ginhalinan sang kalayo.
