Ginpatawag ni President Ferdinand Marcos Jr. ang ambassador sang France kag Czech Republic agud nga ila maistoryahan ang lapses nga natabo kag kun ano pa ang pwede mahimo agud madala pabalik sa Pilipinas si former Congressman Zaldy Co.
Suno kay Palace Press Officer Claire Castro, patigayunon ang pagsinapol alas dos karon sa hapon.
Ini nga development ang kasunod sang kumpirmasyon halin kay Justice Secretary Fredderick Vida nga wala na si Co sa Czech Republic.
Sa latest nga impormasyon nga nakalab-ot sa Department of Foreign Affairs (DFA) suno kay Castro, didto na ang anay kongresista sa France kag nagapangayo sang political asylum.
Ang diskusyon subong nga adlaw magalakip man sang mga paagi nga mabuligan sang iban nga pungsod ang Pilipinas paagi sa United Nations Convention Against Corruption kun sa diin palareho nga member states ang Pilipinas, Czech Republic, kag France.
