Nagpaandam ang doktor nga posible pila ka hampang ang indi ma-intrahan sang Filipino-American kag San Antonio Spurs guard nga si Dylan Harper kasunod sang right leg injury.
Naangkon sini ang injury sa Game 2 batok sa Oklahoma City Thunder sa Western Conference Finals kun sa diin nalutos ang Spurs, 122-113.
Nagbiya si Harper sa second half matapos nakaamot sang 12 points, tatlo ka assists, kag duha rebounds sa sulod lamang sang 25 minutos sini nga hampang.
“By video, right hamstring strain on the take off. Likely to miss multiple games,” suno kay David J. Chao, isa ka veteran NFL doctor nga may 16 anyos nga eksperyensya bilang head physician para sa San Diego Chargers halin sang 1997-2013 kag nakaserbe man sa Pro Bowl medical staff.
Si Harper ang No. 2 overall pick sa 2025 NBA Draft kag nalakip man siya sa prestihiyoso nga NBA All-Rookie First Team .
Sa Game 1, ginpabilib sini ang fans sa double-double performance nga 24 points, 11 rebounds, 6 assists, kag naangkon man ang team playoff record nga 7 steals.
1-1 na subong ang serye sa Western Conference Finals. Balantayan ang Game 3 buwas sa aga, oras sa Pilipinas.
