Gintawag ni Palace Press Officer Undersecretary Claire Castro nga naga-gas light lamang si Senator Pia Cayetano sa matuod nga natabo sa Senado sang nagligad nga Mayo 13.
Suno kay Castro nga ginbasol ni Cayetano sa minority Senators ang natabo sa senado sa baylo nga sa mga responsable sa operasyon sa Senado.
Ginmesnyonar man sini si Senate Sergeant-at-Arms Mao Aplasca nga nagsugo nga ipaidalom sa lock and load operation kag magpalupok sang pusil sa sulod sang Senate premises.
Ginpunto man ni Castro nga nakahibalo si Senate President Alan Peter Cayetano sa bilog nga operasyon sa Senado kag ginpahanugutan man sini nga matabo ang amo nga sitwasyon.
Samtang, nakapasaka naman sang rekomendasyon ang Philippine National Police nga pagapasakaan sang kaso si Aplasca kag duwa ka security personnel sini bangud sa paglapas sa layi kaangot sa private security services.
