Nagpahayag naman sang iya komento si anay Senate President Koko Pimentel nga posible nahadlok si Senate President Alan Peter Cayetano nga mapahalin sa iya posisyon, rason nga makaduha na ini ka beses nga wala makatambong sa sesyon sang Senado.
Suno kay Pimentel, wala siya sang iban nga rason nga makita kun ngaa padayon nga wala nagatambong si Cayetano sa sesyon sang upper chamber luwas sa posibilidad nga nagakabalaka ini nga ma-islan bilang lider sang Senado.
Dugang pa ni Pimentel, posible nga nahadlok si Cayetano nga may pila ka mga miyembro sang majority bloc nga nakahimo na sang desisyon ukon nakaistorya na sa minority bloc agud magbalhin sang suporta.
Sa subong, pareho na lamang ang kadamuon sang miyembro sang majority kag minority bloc nga tig-11 ka senador matapos mabuhinan ang mayorya bangud wala makatambong si Senator Ronald Dela Rosa samtang na-detaine naman si Senator Jinggoy Estrada bangud sang iya kaso nga plunder sa Sandiganbayan.
Apisar sini, gin-athag ni Pimentel nga kinahanglan gihapon ang 13 ka boto sang mga senador agud makapili sang bag-o nga Senate President.
