Ginplastar naman ni Senator Chiz Escudero ang mayor sini nga rason kun nga nagtambong ini kahapon nga adlaw sang session sa senado.
Suno pa sa Senador, indi na sini mabaton ang padayon nga nagakatabo sa Senado bangud nagaapekto na ini sa abilidad sang institusyon nga tumanon ang iya mandato para sa Pilipino.
Suno kay Escudero, kinahanglan nga unahon sang mga senador ang interes sang Senado bilang institusyon kag indi ang ila kaugalingon ukon mga politikal nga grupo.
Pahayag pa sini nga wala siya nagapihak sa bisan ano nga political bloc kundi nagapanindugan para sa integridad kag trabaho sang Senado.
Nagpangayo man si Escudero sang paghangop kag pangamuyo sang publiko agud malampuwasan sang Senado ang nagaluntad nga krisis kag mapadayon ang pagserbisyo sa pungsod.
