Magabaton sang P50,000 ang mga pamilya sang mga napatay nga mga biktima sa nagluntad nga magnitude 7.8 nga linog sa Mindanao sang nagligad nga Hunyo 8.
Ini amo ang ginpasalig ni President Ferdinand Marcos Jr., matapos ini nga nagbisita subong nga adlaw sa General Santos City nga amo ang isa sa mga labing apektado sang makusog nga pagtay-og sang duta.
Kasunod man ini sang pahayag ni Palace Press Officer Undersecretary Atty. Claire Castro nga tuyo gid sang presidente nga personal nga magpadulong sa Mindanao agud mahibaluan ang sitwasyon sang mga residente nga tuman nga naapektuhan sang trahedya.
Maga-alokar man sang P100 million nga budget sa local government unit sang nasambit nga lugar para sa rehabilitation sang General Santos City Hall.
Nahibaluan nga nangin kaupod man ni Marcos ang pila ka opisyal sang gobyerno nga sanday Education Secretary Sonny Angara kag Department of Public Works and Highways Secretary Vince Dizon agud man bisitahun ang pila ka mga buluthuan nga apektado sang linog.c
