Indi upang ang edad agud nga malab-ot ang mga handum.
Ini ang ginpamatud-an sang singer nga si Angeline Quinto sang nabaton na sini ang iya diploma sang nakatapos sa Bachelor of Science in Business Administration major in Marketing Management sa Immaculada Concepcion College sa Caloocan City.
Madamo ang nakibot nga naga-eskwela si Angeline ilabi na bangud aktibo man sini sa iya appearances sa mga show.
Suno sa singer-actress, ginsikreto sini ang iya academic journey bilang sorpresa sa iya nga pamilya.
Pahayag sini, wala sang ginapili nga edad ang pagtuman sang mga handum, kag bisan wala na ang iya Mama Bob, ginpadayon niya ang iya nga goal sa kabuhi.
“Hindi alam ng family ko and asawa ko… Ang pagtupad ng pangarap walang pinipiling edad. Kahit wala na si Mama Bob, itinuloy ko pa rin pangarap,” suno kay Angeline kadungan anay sang iya contract signing sa One Music Management and Star Music label sa Quezon City sang Marso.
Ginpakigbahin man sini ang kabudlayan kaangay sang pagbalanse sang iya pag-eskwela, trabaho, kag pagbusong.
“Noong time nagbubuntis ako sa pangalawang baby namin, pag buntis iba-iba moods. Noong time na ginagawa namin ‘What’s Wrong With Secretary Kim,’ kasabay noon sumasagot ako ng modules,” pahayag sang singer-actress.
“May time na bumagsak ako. Nagmamakaawa ako sa profs ko para pabalikin ako sa school… Salamat sa professors ko. Ang dami ko pinagsabay-sabay ng panahon na yan. Pinagdasal ko na ‘Lord matapos ko lang to, pangarap ito ng Mama Bob sa akin,’” dugang sini.
Excited man si Angeline sa masunod nga bahin sang iya karera kaangay sang iya plano sa concert, acting projects, kag bag-o nga original music lakip na ang original soundtrack (OST) para sa upcoming series.#
