Gintapos na sang Iglesia ni Cristo (INC) ang ila protesta nga ginpatigayon bilang suporta kay Senator Rodante Marcoleta.
Sa mensahe nga ginbasa ni INC spokesperson Brother Edwil Zabala subong nga gab-i, Hulyo 2, ginpahayag sini nga nagapati sila nga napalab-ot na nila sang klaro ang ila mensahe.
“Naniniwala tayo na naiparating nating malinaw sa mga kinauukulan ang ating mensahe. Loobin nawa ng Diyos na maghari ang tunay na katarungan sa ating minamahal na bansa,” kabahin sang official statement.
“Kung paanong mapayapa, maingat at maayos tayong naglakbay, papunta rito nawa ay gayundin sa ating pag-uwi,” dugang sini.
Ginpasalamatan man sang religious group ang mga speaker sa rally amo man ang awtoridad nga nagpahanugot sa protesta.
Nagsugod ang surprise rally sa People Power Monument sa Epifanio delos Santos Avenue (EDSA) sa Quezon City kag naglawig sang duha ka adlaw.
Ginsaylo ini sa Liwasang Bonifacio sa Manila matapos ginbawi sang Quezon City LGU ang permit nga magpatigayon sang rally sa monument.
Sang Martes, nauna na nga ginbasa ni Zabala ang official statement sang grupo kun sa diin ginkumpirma nga nagguwa sila agud suportahan ang isa sa ila myembro nga si Marcoleta. Ini matapos gin-anunsyo sang Office of the Ombudsman nga kasuhan ini sang plunder bangud sang non-declaration sang P75 million campaign contributions halin sa tatlo ka donors.
Sa amo nga rally nga gin-updan sang pila ka mga senador kaangay nanday Marcoleta, Imee Marcos, Alan Peter Cayetano, kag Robin Padilla, ginpakamalaot sang religious sector ang ila ginpahayag nga “selective justice” kag “distortion of law” sa kaso ni Marcoleta.
Base sa estimate sang Manila Police District, ginabanta nga 4,400 ka mga tawo ang nagtipon sa Liwasang Bonifacio sa ikatatlo nga adlaw sang rally.#
 ang ila protesta nga ginpatigayon bilang suporta kay Senator Rodante Marcoleta.){kind=link}