Wala nagsumite sang iya counter-affidavit si Senador Robin Padilla apisar nga ginmanduan siya sang Office of the Ombudsman nga magsabat sa reklamo nga obstruction of justice nga ginpasaka batok sa iya.
Suno kay Ombudsman Boying Remulla, wala nagtuman si Padilla sa mandu nga magpasa sang iya counter-affidavit sa gintalana nga tion.
Sa pihak nga bahin, nagpangayo naman sang extension si anay Senate Sergeant-at-Arms Mao Aplasca.
“Deadline has passed. He chooses to ignore the Ombudsman, then so be it,” suno kay Remulla sa press conference.
“Well, we will decide, the resolution will be done without his counter-affidavit. That’s his choice,” dugang sini.
“They’re given a chance to deny or to dispute or to reason out. But he can choose to waive. I mean, it looks like he has chosen to waive it. I don’t know if he’s being given any legal advice,” pahayag pa sang Ombudsman.
Antes sini, nakapasa na sang iya counter-affidavit si Senate Minority Leader Alan Peter Cayetano bilang sabat sa amo man nga reklamo.
Naghalin ang reklamo sa alegasyon nga ginbuligan nanday Padilla, Cayetano kag Aplasca si Senador Ronald “Bato” dela Rosa nga makapalagyo sa warrant of arrest sang International Criminal Court (ICC) sang Mayo.
Matandaan nga nakit-an sa CCTV nga magkaupod nga nagguwa si Dela Rosa kag Padilla sa Senate premises sang pasado alas dos sang kaagahon sang Mayo 14 apang nagsiling si Padilla nga wala sila nagpalagyo bangud nagalakat lang sila sang amo nga tion.
