Makahalam-ut para sa isa ka legal expert ang nangin pahayag ni Senator-Judge Robin Padilla nga dapat indi mangin one-sided ang prosecution sa trial ni Vice President Sara Duterte.
Gintawag pa sini nga “he’s really something” kag “genius” si Padilla, bangud sya lang kuno ang nakapaminsar nga kinahanglan nga mangin fair ang mga prosecutors.
Sa interview sang Bombo Radyo kay Atty. Jobert Pahilga, isa ka human rights lawyer, iya ginpahayag nga normal gid nga ipakita sang prosekusyon ang ila panindugan agud matigayon ang kaso ukon ma-convict si Vice President Sara Duterte.
Suno sa iya, wala sang prosekusyon nga indi bias, bangud luyag lang sang mga ini nga ubrahun ang ila gid nga responsibilidad.
Sa idalom sang layi, pila sa mga myembro sang House of Representatives ang dapat nga magaserbe bilang parte sang prosecution team sa idalom sang 1987 Constitution.
