Pagagamiton sang Malacañang ang P22.79 bilyon nga pondo sang gobyerno agud pondohan ang mga programa nga magabulig sa mga Pilipino nga naapektuhan sang panibag-o nga pagsaka sang presyo sang gatong.
Ini bangud sa pagbalik kag padayon nga tensyon sa tunga sang Estados Unidos kag Iran.
Lakip sa prayoridad nga pondohan amo ang UPLIFT cash assistance, mga livelihoods programs, bulig para sa mga mangunguma, kag ayuda para sa mga mamumugon, mga commuter, kag overseas Filipino workers (OFWs).
Magapagwa man ang Department of Social Welfare and Development (DSWD) sang P12.37 milyon para sa cash aid, samtang ginatun-an sang Department of Transportation (DOTr) ang posible nga pagpalapad sang fuel subsidy para sa mga drivers sang pampubliko nga transportasyon.
