Gina-engganyo ni Senate Minority Leader Alan Peter Cayetano ang publiko nga pamatian ang ikalima nga State of the Nation Address (SONA) ni President Ferdinand Marcos Jr. agud busision ang unod sang mensahe sini kag indi ang personalidad sang Presidente.
Pahayag pa ni Cayetano nga importante nga pamatian ang tanan nga kaundan sang SONA sang Presidente agud mahibaluan ang matuod nga kahimtangan sang pungsod kag ang plano sang administrasyon.
Suno pa sa Senador, dapat maglantaw sang SONA ang mga nagapamatok sa administrasyon kag ang mga tagasuporta sini.
Ginpunto man sini nga mas importante nga hibaluon ang kaundan sang mensahe sini kag indi ang nagahatod sang mensahe.
Dugang pa ni Cayetano nga pagkatapos sang SONA magapatigayon ini sang malip-ot nga vlog agud paga-estoryahan ang iya nga pag-evaluate sang mensahe sang Presidente, dala na diri ang mga punto nga iya nga nanamian kag ginakontra.
Gina-engganyo man sang Senador ang publiko nga magahatag man sang ila matuod nga feedback sa SONA sang Presidente.
Suno pa kay Cayetano nga lakip sa pagpalangga sang pungsod amo nga mangin bukas kag nagakaigo ang ila nga nahibaluan sa mga importante nga butang nga ginapangatubang sang pungsod.
Importante suno pa suno sa iya nga mabusisi ang mga ginapresentar nga programa kag direksyon sang gobyerno.
