Nag-file sang Senate ethics complaint batok kay Sen. Pia Cayetano ang pila ka women’s right advocates, academics, kag feminists.
Ang complaint may kaangtanan sa pag-post ni Cayetano bilang Senator-Judge sang “spliced kag misleading” nga video may kaangtanan kay Akbayan Rep. Chel Diokno sa impeachment trial batok kay VP Sara Duterte.
Suno sa mga nagreklamo, ginlapas ni Cayetano ang ginalauman kuntani nga mangin patas ini bilang isa ka senator-judge.
Nalapas man sini ang Code of Professional Responsibility and Accountability nga pwede makaguba sang pagsalig sang publiko sa senado kag sa impeachment process.
Sa karon wala pa sang pahayag si Senator Pia Cayetano sa nasambit nga reklamo.
