Ginbuyagyag ni Vice President Sara Duterte kun ano kahapos magkuha sang gun-for-hire sa Pilipinas sa kantidad lang nga P5,000.
Ginlaragway man sini ang iya ginatawag nga lapnagon nga insidente sang gun violence ukon pag-gamit sang pusil sa paghimo sang krimen sa pungsod.
Ginpahayag ini sang Bise Presidente sa “Free Duterte Now” rally sa gwa sang International Criminal Court (ICC) kahapon nga adlaw, Hulyo 29.
Ginlaragway pa sini bilang hypothetical situation ang iya bana nga si Atty. Manases “Mans” Carpio nga kun masaksihan man sini nga may lain nga babayi ang iya bana, mahimo ini makakuha sang gun-for-hire sa Pilipinas sa kantidad nga P5,000 agud patyon ang amo nga babayi.
Gin-gamit ni VP Sara ang halimbawa agod ipabutyag nga isa ka seryoso nga problema ang gun violence sa Pilipinas.
Gin-angot man sini ang isyu sang extrajudicial killings (EJK) ukon mga pagpamatay nga wala nagaagi sa hustisya sang korte.
