Masobra sa 200 police personnel sang Police Regional Office 6 ang na-promote sa mas mataas nga pwesto kahapon nga adlaw, Hulyo 29.
Lakip sa mga na-promote amo ang 76 Police Commissioned Officers kag 177 ka police Non-Commissioned Officers sang PRO6 kag iban pa nga mga national support units sang rehiyon.
Suno kay PRO-6 Acting Regional Director PBGen. Randulf Tuaño, mas mataas ang ekspektarun sang publiko ukon mas maayo nga serbisyo halin sa kapulisan ang mangin kabaylo sang mas mataas nga ranggo.
Ginpakigbahin man niya nga luyag man sang Philippine National Police nga kilalahon ang dedikasyon kag nangin achievements sang mga kapulisan, samtang ginapasiguro man ang mas maayo sang mga ini nga igahatag nga serbisyo-publiko.
