13-anyos nga Grade 9 student, patay matapos ginbuno sang iya nga classmate sa Las Piñas City

Patay ang isa ka 13-anyos nga Grade 9 student matapos nga ginbuno sang iya nga classmate sa sulod sang ila nga eskwelahan sa Las Piñas National High School sa Barangay Daniel Fajardo, Las Piñas City kahapon nga adlaw, Hulyo 31.

Base sa report sang Southern Police District kag pahayag ni Las Piñas acting police chief Fermin Armendarez III natabo ang insidente sa atubang mismo sang ila nga classroom.

May ara sang wala pag-intindihanay sa tunga sang duwa kag naglala ang ila nga away samtang oras sang ila nga recess.

Nagbunot sang kutsilyo ang suspek kag ginbuno ang biktima sa nawala nga bahin sang iya nga dughan.

Gilayon naman nga gindala ang biktima sa Las Piñas District Hospital apang gindeklara ini nga dead on arrival.

Samtang, ang suspek naman ang ginakonsidera nga isa ka Child in Conflict with the Law.

Igaturn-over naman sa idalom sang paghinakop sang City Social Welfare Office (CSWD) ang menor de edad nga suspek.

Sa karon, gina-imbestigahan sang mga kapulisan ang madalom nga motibo sa likod sang nasambit nga trahedya.