Magasaka sang ginabanta P27.50 ang presyo sang liquefied petroleum gas (LPG) sini nga semana.
Suno sa LPG Marketers Association, P2 kada kilo ang itaas sini.
Suno sa grupo, wala sang kasiguraduhan kun may ara sang rollback sa presyo sang LPG sa masunod nga bulan bangud maga-umpisa na ang winter stockpiling sang iban nga pungsod.
Ginakabalak-an naman sang pila ka mga negosyante ang amo nga pagtaas sang presyo bangud may posibilidad nga ipasa naman ang dugang nga presyo sa mga manugbakal.
Nahibaluan nga epekto ini sa gihapon sang nagapadayon nga tension sa Middle East nga nakaapekto sa suplay sang LPG sa merkado.
