Hampang ni Alex Eala batok kay Jessica Pegula, na-delay bangud sa ulan sa final match sang 2026 Mubadala DC Open

Na-delay ang Mubadala Citi DC Open finals sa tunga sang Pinay tennis star nga si Alex Eala kag world No. 3 nga si Jessica Pegula bangud sang pag-ulan sa Washington, D.C., USA.

Sa original schedule, maga-umpisa kuntani ang hampang 12:00 kaina sang tungang gab-i oras sa Pilipinas.

Gin-umpisahan ini sang alas tres na sang kaagahon bangud sang malain gid nga tyempo.

Abanse si Pegula sa opening set 6-4, samtang may gamay naman nga lead si Eala 2-1 sa second set sang gin-untat na naman ang hampang sa alas kuatro sa kaagahon.

Nahibaluan nga ini ang una appearance ni Eala sa final nga yara sa WTA 500 level.

Nakasulod siya sa final matapos ginlutos sa semifinal match ang former world no. 1 kag four-time Grand Slam champion nga si Naomi Osaka.