Garin, nagpaandam batok sa fake news campaign nga naga-target sa impeachment prosecutors

Nagpaandam si Iloilo First District Representative kag House Deputy Speaker Janette Garin batok sa ginaalegar nga “coordinated, systematic, kag well-funded” nga online campaign batok sa mga House prosecutors sa impeachment trial ni Vice President Sara Duterte.

Suno kay Garin, ginapuntariya man sini nga klase sang kampanya pati ang spokesperson kag iban pa nga mga indibidwal nga suno sa iya nagatib-ong sang accountability kag malimpyo nga panggobyerno.

Ini ang iya reaksyon sa pahayag ni House Deputy Speaker kag La Union Representative Francisco Paolo Ortega V nga ginabulubanta nga P5-million ang gin-gasto sa isa ka online campaign nga nagagamit sang patalang nga mga litrato kag video agud nga ipaguwa nga malala ang pagbaha sa ila probinsya.

Si Ortega isa sa mga kongresista nga nag-endorso sang isa ka impeachment complaint batok kay Duterte.

Suno kay Garin, nakit-an man niya ang pareho nga pattern sang online attacks batok sa mga tawo nga aktibo indi lamang sa impeachment proceedings kundi pati sa mga programa sang administrasyon ni President Ferdinand Marcos Jr.

“Yes, nakikita naman natin na kung sino yung active, hindi lamang dun sa impeachment, kundi dun sa mga programa ng administrasyon, ay nagkakaroon ng bashing. At hindi lang yung bashing, ang mas nakakatakot ay yung fake news,” suno sa kongresista.

Ginhatag ni Garin bilang halimbawa ang mga social media post nga nagapakita sang pagbaha sa Pilipinas, pero ang iban sini nagagamit sang daan na nga mga litrato ukon mga imahe nga halin sa iban nga pungsod.

“Kasi yung mga ina-attach na kunyari bumaha o ganito na parang hirap na hirap yung mga tao at lumalangoy, yung iba are pictures from years, years ago. Ang iba naman ay hindi naman sa Pilipinas,” pahayag pa niya.

“Totoo na merong mga pagbaha sa ilang mga lugar kasama ng distrito ko… Dahil nga umaapaw yung tubig galing sa mga ilog at sa dagat papunta sa lupa. And that is not true. Only in the Philippines. Buong mundo yan. At ang tinututukan natin ngayon ay ang pag-responde,” suno pa sa mamalidha.

Ginpanawagan ni Garin sa mga Pilipino nga mangin mabinantayon batok sa disinformation ilabi na sa tion sang mga kalamidad.

Ginpaandaman man niya ang publiko batok sa mga indi matuod nga impormasyon parte sa medisina nga iya ginatawag nga bahin sang ginakilala nga “infodemic.”

“Kung sa Bisaya pa, ayaw ta magtuo-tuo, ayaw ta magpailad, indi kita magpainto kung sa Ilonggo… because that is actually injustice to the Filipino people. Kaya napakalaking insulto na gagamitin natin ang fake social media posting, fake information, fake news. Not because we want to help the country, but just because we want to put down an administration that is delivering for its people,” dugang pa sini.