Garin sa isyu sang maleta: ‘These allegations are entirely baseless’

Nagdepensa si House Deputy Speaker kag Iloilo 1st District Representative Janette Garin nga wala sang basehan ang akusasyon sa iya sang “ex-marines” kaangot sa isyu sang maleta.

Nalakip si Garin sa mga Ilonggo lawmakers nga yara sa affidavit sang 18 “former marines” nga ginaalegar nakabaton sang mga maleta nga may kuwarta.

Magluwas sa iya, yara man ang pangalan nanday Uswag Ilonggo Rep. Jojo Ang, Iloilo City Lone District Rep. Julienne Baronda, kag former Kabataan Rep. Raoul Manuel.

Gin-gamit ang amo nga affidavit sa June 4 hearing sang Senate Blue Ribbon Committee nga ginapangunahan sang kampo nanday Senator Alan Peter Cayetano kun sa diin nangin resource persons ang “former marines” kag ang ila abogado.

Sa official statement ni Garin nga gin-release subong nga aga, gintawag sini nga “deeply unfortunate” ang sitwasyon kun sa diin gina-gamit ang Senado sang pila ka mga myembro sini agud nga itib-ong ang ila kaugalingon nga political agenda.

Ginagamit lang suno kay Garin ang supposed “committee hearing” agud nga magpalapta sang “narrative-driven accusations” batok sa pila ka mga myembro sang Kamara.

“The sweeping and unsubstantiated claim desperately implicating me as recipient of some “cash deliveries” are completely, incredibly false. While I refuse to be dragged into this orchestrated political theater, I owe it to the public to set the record straight: these allegations are entirely baseless and thus, merit no serious consideration,” suno sa kongresista.

Ginpanawagan man sini sa publiko nga magpabilin nga maalam sa mga impormasyon kag propaganda nga nagagwa.

“To this end, I call on the Filipino people to remain vigilant and discerning. Maging mapanuri po tayong lahat. In this season of gross propaganda and public deception, we must refuse to allow manufactured noise to drown out the facts,” dugang sang mamalidha.

Nahingadlan man sa mga affidavit sang mga anay Marines ang pila pa ka mga nagapungko kag anay mamalidha lakip sanday Cong. Sandro Marcos, Cong. Terry Ridon, Cong. Gerville Luistro, former congresswoman Arlene Brosas, Cong. Benny Abante, Cong. Zia Adiong, Cong. Jose Alvarez, former congressman Ace Barbers, Cong. Joel Chua, former congressman Dan Fernandez, kag former congresswoman Stella Quimbo.

Yara man sa alegasyon pati ang Catholic priest nga si Fr. Flavie Villanueva bilang isa sa mga gin-alegar nga ginpadal-an sang mga maleta.

Indi na bag-o ini nga mga alegasyon.

Ang mga affidavit nga ginpirmahan sang 18 ka anay Marines una nga nagguwa sa publiko sang Pebrero 2026 kag una na man nakatudlo sa pila ka mga mamalidha lakip na ang mga opisyal sang Iloilo kag si Manuel.

Sa ila nga affidavit, nagpahayag ang mga anay Marines: “Nautusan din kami na mag-escort at mag-deliver ng ibat-ibang laki ng maleta sa mga congressmen/women na naalala namin sa ngayon dahil sila ang napapanood namin minsan sa telebisyon o palagi namin silang nakikita pagnakakausap sila ni Zaldy Co. Nag-deliver kami mismo sa bahay ng ilan, sa HOR (House of Representatives) at ‘yung iba ay kinuha nila sa Unit 8 o Unit 9 ng Polo Club Townhouse, Forbes Park.”#