Nadiskubre sang mga medical expert nga may tatlo ka penile structures ang isa ka 78-anyos nga lalaki sa United Kingdom matapos ang medical examination sang iya lawas kasunod sang iya kamatayon.
Suno sa medical case report nga ginbalhag sa Journal of Medical Case Reports sang 2024, nakita sang mga researcher ang isa ka main penile structure kag duha pa gid ka mas gamay nga structures nga yara sa sulod sang scrotal area.
Ginatawag ang tumalagsahon nga kondisyon nga triphallia, ukon pag-angkon sang tatlo ka penile structures.
Base sa report, wala makumpirma sang mga researcher kun nahibaluan sang lalaki nga may amo sini siya nga kondisyon samtang buhi pa ini.
Ginklaro man nga indi makita sa guwa ang duha ka additional structures, kag wala sang ebidensiya nga nagapakita nga ini ang fully functional.
Suno sa mga researcher, ini lamang ang ikaduha nga documented human case sang triphallia sa medical literature.
Ang una nga kaso na-report sa Iraq sang 2020, diin isa ka bata ang natawo nga may tatlo ka penile structures. Duha sa sini ang ginkonsiderar nga indi functional kag gin-operahan kag ginkakas na lang.
