Nagpahanumdom ang Department of Education sa mga manunudlo kag personnel nga magpabilin nga propesyonal kag responsable sa paggamit sang social media.
Suno sa DepEd, dapat maayo ang pamatasan sang mga empleyado sang ahensya, ilabi na kon may kaangtanan ini sa ila trabaho, mga estudyante, eskwelahan kag school activities.
Nagmando man ang ahensya sa mga manunudlo nga maghalong sa pag-post sang content nga nagalakip sa learners bangod may ara sila sang awtoridad sa mga estudyante.
Ginpaandaman man sila batok sa online attacks batok sa kaupod nila nga DepEd personnel kag pag-untat na sa pagpalapta sang indi matuod nga mga impormasyon.
Suno sa DepEd, nakabaton sila sang mga report nahanungod sa social media posts sang pila ka teachers kag school personnel nga wala nagasunod sa standards sang professionalism.
