Ginpasiguro ni Commission on Elections ukon COMELEC Chairman George Erwin Garcia nga halos handa na ang ila nga ahensya para sa Barangay kag Sangguniang Kabataan Elections ukon BSKE nga nakatalana sa Nobyembre 2, 2026.
Suno kay Garcia, yara na sa 9 out of 10 ang ila preparasyon para sa palaabuton nga barangay kag SK elections.
Ginpahayag man nga may P19 bilyon nga pondo ang gin-allocate para sa BSKE sa idalom sang General Appropriations Act.
Sa sini nga kantidad, yara na sa P8 bilyon ang nagasto sang COMELEC.
Ang nabilin nga P11 bilyon pagagamiton para sa honoraria kag training sang mga manunudlo nga mangin bahin sang election workforce, kag sa pag-deploy sang mga kagamitan nga kinahanglan sa tion sang eleksyon.
Nahibaluan nga apisar padayon ang pagpanghanda sang BSKE para sa Nobyembre 2, may mga panawagan sa Kongreso nga ipostpone naman liwat ang BSKE.
Nagapanindugan naman ang COMELEC nga dapat may ara sang mabaskog kag legal nga basehan kun ipostpone man ini kag indi isa lamang ka political convenience.
Sa pihak sini, padayon ang preparasyonsang COMELEC para sa BSKE nga natalana sa Nobyembre 2 subong nga tuig.
