Ginpanginwala ni Punong Barangay Elfren Cenayo sang Barangay Don Esteban, Lapuz, nga gintawag niya nga “ghost project” ang wala madayon nga flood control project ukon ang plano nga pag-rehabilitate sang Mansaya-Budburan Creek.
Ang ini nga proyekto ang sa idalom sang Iloilo City District Engineering Office, nga ginpondohan paagi sa opisina ni Lone District Congresswoman Julienne “Jamjam” Baronda.
Sa interview sang Bombo Radyo kay Cenayo, iya ginkwestyon kun ngaa ginpondohan sang P150 milyon ang proyekto apang wala ini natukod.
Suno pa kay Cenayo, dapat sang 2024 ukon 2025 pa napadala sa ila ang amo nga concern kag indi nga subong lamang ini ginpahibalo sa ila.
Dugang pa ni Cenayo, kun gin-terminate gid man ang natumod nga proyekto sadtung tuig 2023, wala na kuntani ginhulat pa nga magpangakig si President Ferdinand “Bongbong” Marcos Jr. kag amo ang pagpadala sang termination letter.
