Ginbawian sang kabuhi ang tatlo ka mga college student matapos makabunggo ang ila ginasakyan nga motorsiklo sa isa ka oil tanker truck sa Puerto Princesa City, Palawan.
Natabo ang aksidente sang Martes sang kaagahon, Agosto 25.
Lunsay gindeklarar nga dead on arrival sa ospital ang mga biktima.
Naggwa sa imbestigasyon nga naglapaw ang motorsiklo kag nagkadto sa linya sang truck.
Gintinguhaan pa sang truck nga magpondo apang nalab-ot gid sini ang motorsiklo.
Padayon pa ang imbestigasyon sa insidente.
