Ginbuksan na sang Indonesia ang ila pungsod para sa mga lugar nga luyag magbulig sa pagpalong sang kalayo ukon wildfire sa Kalimantan, Indonesia.
Suno kay Bombo international Correspondent sa Indonesia nga si Ginavella Limpin Cumla, tuman na ka lapad ang halit nga ginbilin sang kalayo kag sang aso sini sa mga residente nga nagakalab-ot naman sa pila ka bahin sang Pilipinas.
Isa sa mga naghatag na sang bulig amo ang pungsod sang Japan nga nagpadala sang masobra 600 ka mga indibidbwal halin sa ila Self-Defense Forces personnel.
Kabahin man diri amo ang ginpadala nga mga helicopter sang nasambit nga pungsod nga nagabulig sa cloud seeding nga mahimo nga magpaulan sa mga apektado nga lugar.
Ginpakigbahin man ni Cumla nga suspendido ang mga klase sa mga eskwelahan sa Borneo nga labing apektado sang sunog kag aso sini, ilabi na subong nga madamo na sa mga clinic kag ospital ang buta na sang mga pasyente nga may respiratory problems.
