Nanindugan si Department of Interior and Local Government Secretary Jonvic Remulla nga indi illegal ukon unusual ang pagkahibalo sang ila ahensya kun sa diin si Vice President Sara Duterte matapos nga gindagdag sa iya ang arrest warrant may kaangtanan sa kaso sini nga grave threats.
Suno kay Remulla, kabahin ang nasambit nga tikang sang DILG sa ila nga mga responsibilidad.
Kasunod ini sang ginpaguwa nga statement ni Duterte nga makabig nga ebidensya ang nangin pahayag ni Remulla nga may ara sang harassment kag surveillance operations ang Philippine National Police kag ang iban nga ahensya sang gobyerno batok sa iya.
Suno sa tiglikom, ang dapat basulon sang bise presidente amo ang mga tawo nga malapit sa iya bangud ini amo ang naghatag sang impormasyon matapos nga gindagdag ang arrest warrant.
“She should blame the people around her. They informed us where she was when the warrant was issued. It’s our duty to do our best to know her location. That was not illegal nor unusual.”
Madumduman nga kahapon nga adlaw, nakapyansa na ang bise presidente sang P360,000 sa kaso nga ginpasaka sang Department of Justice bangud sa ginaalegar plano sini nga assassination kanday President Ferdinand Marcos Jr., First Lady Liza Marcox, kag former House speaker Martin Romualdez.
