Naghingyo ang kampo ni former President Rodrigo Duterte sa International Criminal Court nga mas pasangkarun ang ila paglantaw ukon pag-verify sa mga digital material nga ginapasa sa ila bilang ebidensya.
Ini bangud ginpakigbahin sang defense team nga lapnagun subong ang misinformation ukon fake news sa social media.
Kasunod sini, ginduso ni defense lawyer Peter Haynes ang pagdugang sang “expert verification” field sa e-Court Protocol.
Nagapati si Haynes nga indi sapat ang URL (uniform resource locator) agud matukiban kun matuod ukon factual ang source sang isa ka online material.
Nahibaluan nga magasugod na sa Nobyembre 30 ang trial ni Duterte nga yara pa tubtob subong sa kustodiya sang ICC halin 2025 bangud sa kaso sini nga crimes against humanity.
