Ginkwestyon ni Palace Press Officer kag Presidential Communications Office (PCO) Usec. Claire Castro si Vice President Sara Duterte kun gusto na bala sini nga makapungko gilayon sa posisyon ni Presidente Ferdinand “Bongbong” Marcos Jr..
Ini matapos nga direkta nga ginpanawagan ni VP Sara ang resignation ni Marcos sang nag-atubang siya sa iya mga supporter sa Elliptical Road sa Quezon City pagkatapos sang iya pagkadto sa QC Regional Trial Court (RTC) kahapon, Septyembre 11.
“Tandaan ninyo patuloy tayong manawagan ng paglayas ng problema ng ating bayan na ang pangalan ay ‘Bongbong Marcos,’” suno sa vice president.
Gindugang pa niya, “Resign, umalis ka dyan. Sinungaling ka, abusado ka, korap ka.”
Sa sabat naman ni Castro sa press briefing nga ginpatigayon sa New Delhi, India, sang amo man nga adlaw, iya ginpahayag nga madugay na nila nakita ang plano sang kampo ni VP Sara.
“Nais niyang pababain ang Pangulo sa posisyon. Bakit? Gusto ni Bise Presidente agad-agad na umupo? Kita naman even before ang plano ninyo,” siling niya.
Ginpanawagan man ni Castro sa publiko nga mangin mabinantayon agud mahibaluan kon sin-o ang matuod nga lider para sa pungsod kag kon sin-o ang mga lider nga nagahunahuna lamang sang ila kaugalingon nga interes kag sang interes sang mga kaalyado nga pungsod sa gwa sang Pilipinas.
“Sa ating mga kababayan, alamin n’yo po kung sino ang tunay na lider para sa bayan, at sino ang tunay na lider para sa kaniyang sarili, para sa interes ng ibang bansa,” siling niya.
Ginpahayag man ni Castro nga indi na sekreto sa publiko kon ano nga pungsod ang ginaapinan ni VP Sara ilabi na bangud sa iya ginatudlo nga kakulang sang pagdepensa sa interes sang Pilipinas sa West Philippine Sea (WPS).
“Hindi kaila sa atin kung anong bansa ba ang siya’y malapit. Naipaglaban niya ba kahit kailan ang interes natin tungkol sa West Philippine Sea? Nadinig ba natin kung gaano siya katapang patungkol dito?” pamangkot niya.
Suno pa kay Castro, madamo na ang mga Pilipino nga nagapalangga gid sa pungsod kag maisog maghambal, apang suno sa iya, lain ang sabat sang bise presidente.
“Marami nang mga kababayan natin ang nagmamahal nang tunay sa bansa. Matapang ang kanilang pananalita. Pero mula sa bise presidente, ano ang sabi niya, no comment,” dugang ni Castro.#
