Ginklaro sang kampo ni Vice President Sara Duterte nga wala sang kaangtanan sa pagsuporta sa China ang nangin paghayag sini nga “troublemaker” suno sa iya nga spokesperson nga si Atty. Paolo Panelo.
Gin-athag ni Panelo nga ang pahayag ni Duterte ang may kaangtanan sa pagkadiskobre sang illegal nga droga sa Laos nga nakatalana kuntani nga dal-on sa Pilipinas.
Suno kay Panelo, gingamit lamang ni Defense Secretary Gilberto “Gibo” Teodoro ang nasambit nga pahayag nga troublemaker nga statement ni VP Sara sa anti-China rhetoric sini.
Gintawag ni Panelo nga pamulitika lamang ang sabat ni Teodoro kag ginpunto nga ang mga ordinary nga Pilipino kag ang mga Negosyo nga may kaangtanan sa China kg Pilipinas ang may posibilidad nga maapektuhan sang pamulitika sa nasambit nga isyu.
Samtang, ginpanginwala man ni Panelo nga nagabaton sang kwarta halin sa China sanday Duterte kag ang iya nga bana nga si Atty. Manases Carpio.
Suno pa kay Panelo, wala nagakahulugan nga awtomatiko nga ginasuportahan sang China ang bise presidente bangud lamang sa mga donasyon nga nabaton sang Tapang at Malasakit Foundation, kun sa diin lakip si Duterte sa mga trustee.
