Nag-file sang reklamo ang aktres nga si Claudine Barretto batok sa showbiz columnist nga si Cristy Fermin sa National Bureau of Investigation kasunod sang malain nga pahayag sini batok sa iya.
Ginpahayag sang abogado sang aktres nga dal-on nila ang kaso sa Cybercrime Division sang NBI batok kay Fermin kag sa iya nga co-host nga si Romel Villamor, nga mas kilala bilang Romel Chika.
Suno kay Barretto, ini na ang iya nga “last straw” matapos ang mga komento ni Fermin nahanungod sa iya mental health kag pagka-ospital sa vlog nga Showbiz Now Na! sadtong Oktubre 17.
Ginpahayag sang aktres nga tuman gid ini nga nasakitan, amo man ang iya nga mga kabataan kag supporters bagud sa mga pahayag ni Fermin batok sa iya.
Sa matandaan nga una na nga nagpadala sang cease-and-desist letter ang kampo ni Barretto kanday Fermin kag Villamor, nga nagapangabay nga unataton na ang pagpang-harass kag pagpalapta sang mga indi matuod kag nagapangguba nga pahayag batok sa aktres.
Suno sa abogado, wala pa sila sang may nabaton nga sabat halin sa kampo ni Fermin.
Ginpunto man sini nga indi makipag-areglo si Barreto kay Fermin kun madesiyunan man sang mga ini nga magpa-areglo.
