Ginalantaw nga posible nga magasaka ang presyo sang kape sa Pilipinas sa bulan sang Disyembre kag magapadayon ini tubtob sa una nga quarter sang 2027.
Suno sa Philippine Coffee Board Inc., ang pagtaas sang presyo ang bangud sa kakulang sang supply sa global market, pagka-delay sang mga shipment halin sa mga naga-produce nga pungsod, kag manubo nga ani sang kape
Pahayag pa, mas mabatyagan ang pagsaka sang presyo sa mga gamay nga coffee shop nga wala sang daku nga capital.
Bangud man sa kakulang sang suplay halin sa Brazil, nagapangita na ang mga negosyante sang iban nga kwaan sang coffee beans, lakip na ang lokal nga kape, bisan mas mahal man ini sa pila ka imported nga produkto.
Ginapaabot man nga maganubo ang produksyon sang kape sa Pilipinas sa 30,000 metric tons subong nga tuig ikumpara sa masobra 35,000 metric tons sang 2025 bangud sa nagataas nga gasto sa pagpanguma kag epekto sang El Niño.
Ginpahayag man Department of Agriculture (DA), nagahanda ini sang mga tikang pareho sang mas maayo nga pagdumala sang tubig kag paghatag sang nagakaigo nga farm inputs agud mabuligan ang mga mangunguma.
