Naghakot ang Team Philippines sang pito ka medalya sa pagtakop sang Asian Para Games nga ginpatigayon sa Mizuho Park Athletic Stadium sa Aichi-Nagoya, Japan, sang Oktubre 25.
Ini ginalakipan sang duwa ka gold medal, duwa ka silver medal, kag tatlo ka bronze medal.
Nakuha sang Pilipinas ang gold medals paagi sa para swimmers nga nanday Ernie Gawilan kag Ariel Joseph Alegarbes kun sa diin nangibabaw si Galiwan sa men’s 400-meter freestyle S7, samtang si Alegarbes naman sa men’s 100-meter backstroke S14.
May silver medal man si Gawilan sa men’s 200-meter individual medley SM7.
Silver medal man ang nakuha sang Pilipinas sa table tennis mixed doubles Class XD17 event paagi kanday Wilfred Redulla kag Lhey Manginsay.
Bronze medal naman ang nakuha ni Raemond Adefuin sa men’s 100-meter breaststroke SB6.
Sa para athletics, nakakuha sang bronze medal si King James Reyes sa men’s 1,500-meter T46, samtang si Ma. Ravinia Carpena ang nakakuha man sang isa pa ka bronze sa women’s shot put F20.
