Nagpangako ang Pilipinas kag India nga padalumon pa ang kooperasyon sa depensa, partikular sa seguridad sa kadagatan kag modernisasyon sang militar.
Sa pagsinapol nanday Defense Secretary Gilberto Teodoro Jr. kag Indian Defense Minister Rajnath Singh sa Cebu kadungan sang 2026 ASEAN Defence Ministers’ Meeting (ADMM) kag ADMM-Plus, nagpromisa si Teodoro nga magadeploy sang opisyal halin sa Pilipinas sa Information Fusion Centre–Indian Ocean Region sang Indian Navy.
Katuyuan sini nga mapabaskog ang pagpakigbahin sang impormasyon tuhoy sa mga barko kag insidente sa kadagatan.
Gintalakay man sang duwa ka pungsod ang posibilidad sang tingob nga produksyon sang mga kagamitan nga pandepensa.
Ginhatagan atensyon man ni Singh ang pag-uswag sang proyekto sang BrahMos missile nga kabahin sang modernisasyon sang militar sang Pilipinas.
Sang 2022, nagpirma ang Pilipinas sa kasugtanan nga nagabalor 375 milyon ka dolyar para sa pagbakal sang tatlo ka BrahMos missile batteries.
Gintalakay man ang military training, pagbisita sang mga warships, kag pag-away sa terorismo.
Ginhatagan man pagtamod ang kahilwayan sa pagpalayag kag pagsunod sa mga prinsipyo sang United Nations Convention on the Law of the Sea ukon UNCLOS.
